أبدأ باحدثهم ماما حكت لي النهارده (الأحد 14 أغسطس 2011) عن موقف اتعرضت له في الشغل قبل كده ، ماما بتشتغل موظفة في الشئون الاجتماعية طبعاً وهم ماشيين آخر واحد بيقفل الأوضة بتاعت المكاتب بتاعتهم علشان فيها ورق الشغل ومصالح ناس .. ييجوا الصبح يفتحوا "مين اللي معاها المفتاح ؟" ماما تقول : أنا شفتكم امبارح وانتوا بتقفلوا المفتاح مع واحدة فيكم كل واحدة تقول مش أنا ، مامتي هي اللي قفلت وناسية الظاهر الزهايمر-المشترك بيني وبينها- ضيع منها يوم بتبص في الشنطة مش لاقية المفتاح لأنه في جيب صغير وعليه أوراق ومش باين منهم طبعاً لو هو مفتاح خبيث زمانه قاعد بيضحك علشان كلهم بيدوروا على المفتاح وواقفين بره ومستنين باقي زميلاتهم ييجوا علشان يفتحوا الباب لو المفتاح معاهم إنما لو مفتاح عنده ضمير كان زمان صوته بح من كتر ما بيقول أنا هنا ياعاااالم .. - بس هو مفتاح خبيث علشان النهارده اتحشر في الباب ومارضاش يفتح وبعدين بيحاولوا معاه راح اتكسر- نكمل...
جت زميلة افتحي بمفتاحك راحت قالت ده في الشنطة التانية ونسيت أحطه في الشنطة دي ، طب بيتك الأقرب روحي هاتيه من الشنطة.. مشيت ، وهم اتصلوا بواحدة صاحبتهم المفتاح معاكي؟ "لا أنا ما قفلتش امبارح" يبقى مع فلانة هي اللي فاضلة بره .. جت فلانة ماما بتقول لها فين المفتاح ؟ قالت لها "انتي اللي قفلتي امبارح انا عطيته ليكي" راحت بصت في الشنطة تاني بتأني أكتر المرة دي وتعمقت في البحث لحد ما لقته ودخلوا كلهم وجت فلانة اللي راحت تجيب المفتاح لقتهم فتحواودخلوا وقاعدين وبيشتغلوا : إيه ده دخلتو ازاي؟ المفتاح كان مع أم هوووبا ... قالت لها كده توديني المشوار ده والمفتاح معاكي.
بصراحة صاحبتها دي صعبت عليا بس كان موقف مضحك لما ماما حكته ليا قلتها زمانهم عملوها حكاية باقي اليوم.
إلى اللقاء في موقف ضاحك آخر
ههههه .. عن جد روعة يا هوووبا ..
ردحذفتسلم إيديك .. و مظبوط متل ما قلتِ إنو كلنا بنتعرض لنفس المواقف ..
تحياتي .... juju
نورتيني ياجوجو سعيدة إنها عجبتك تابعيني في موقف تاني لما ينزل
ردحذف