المشهد الثالث
في الكلية
تتصل إيمان
بمايسة وماجي ليذهبوا إلى الكلية معاً في الطريق تلتقي إيمان بصديقة تعرفت عليها
في المسجد وتكون في نفس الكلية فيتحدثان سوياً عما حققته كل واحدة في رمضان
أما شوشو
فكان كعادته ثالثاً لمايسة وماجي اللي ماصدقوا ابتعاد إيمان عنهم وقعدوا يتكلموا
في المسلسلات كالعادة
ماجي :
شفتي حلقة المسلسل بتاع إلهام شاهين ؟
مايسة :
أيوه بس حلقة امبارح ما عجبتنيش أد كده
ماجي : طب
وليلى ؟ حلقة جميلة قوي
مايسة:
جميلة إيه دي شبه فيلم أجنبي شكلها أنا مش باشوفها
شوشو يتنكد
: أمال بتتفرجي على إيه؟
ماجي :
امبارح الساعة تلاتة اتصلت بأمل باشوفها
عاملة إيه لقيتها نازلة تصلي
مايسة :
تصلي إيه الساعة تلاتة؟
ماجي :
إيمان .... هو في صلاة الساعة تلاتة بالليل؟
إيمان :
صلاة التهجد .... ليه؟ حد فيكوا جاي معانا النهارده؟
شوشو : إيه
البت دي انتي حد قالك ياماجي تسأليها؟
مايسة :
أصل أمل بتصلي الساعة تلاتة بالليل وأنا وماجي بنقول بتصلي إيه الساعة تلاتة دي
إيمان :
ودي مش غيبة؟مش عارفين إن الغيبة كأنك بتاكلي في لحم أختك الميتة؟ قال رسول الله صلى
الله عليه وسلم (خمس يفطرن الصائم وينقضن الوضوء الكذب والنميمة والغيبة والنظر
بشهوة واليمين الكاذب)
شوشو
لمايسة : ييييييييييييييه ! غيروا الموضوع دي شكلها غاوية تنكد علينا طول السكة
ماجي
:أستغفر الله العظيم مش قصدنا والله يا إيمان احنا كنا بنتكلم على المسلسل
مايسة
بسرعة قبل ما تعلق إيمان : وبعدين أدينا عرفنا حاجة جديدة
صلاة
التهجد دي ما كناش نعرفها قبل كده يللا مدوا شوية احنا اتأخرنا
وتمد ايدها
وتسحب ماجي بعيد عن إيمان
*********
وصلت
البنات للكلية وفي الفاصل بين المحاضرات كانوا واخدين جنب بيتكلموا مع بعض
إيمان :
ياسبحان الله الواحد حاسس بفرق في المكان زي ما تكون كل حاجة منورة حواليه والدنيا
بتضحك عارفين أنا حاسة لما واظبت على الطاعة في رمضان السنة حسيت بفرق
رهييييييييييييب بينه وبين السنة اللي فاتت مش حاسين بكده؟
مايسة :
أنا حاسة إنه مختلف فعلاً المسلسلات كميتها رهيبة الواحد مش عارف يتابع إيه ولا
إيه
بقيت مش
عارفة أتابع مسلسل واحد على بعضه
تضحك ماجي
وإيمان تقول مندهشة لمايسة : مسلسلات؟ أنا باقول إيه وانتي بتقولي إيه؟
تنظر لماجي
: وانتي كمان زيها؟
ماجي: لا
أنا مش حاسة بفرق خالص في رمضان هو نفسه كل سنة
صوم وقيام
ومسلسلات ونوم ومذاكرة
تسمعهم شلة
بنات قريبة منهم فيقتربوا منهم ويبدأوا في الحديث مع الثلاثة :
فتاة 1:
السلام عليكم ممكن نتكلم معاكم شوية؟
البنات :
اتفضلوا
يتعارف
الجميع
فتاة 2 :
إيه رأيكم في كمية المسلسلات المعروضة في شهر رمضان حد فيكم بيتابع حاجة منها؟ أو
حد مقاطعها؟
ماجي : أنا
باتابع كام واحد كده مش كتير بس هم كتير قوي لدرجة إن الواحد مش ملاحق
مايسة :
أنا بقى متابعاهم كلهم تقريباً كل شوية أشوف جزء وباكمل اللي نقصني في الإعادة
فتاة 3 :
ما شاء الله ... وانتي يا إيمان؟
إيمان :
أنا مش بتابع حاجة خالص وبعدين المسلسلات المعروضة دي بتلهي الناس عن فضائل شهر
رمضان وبتضيع عليهم الثواب
فتاة 2 :
مش ملاحظين إن مفيش مسلسلات دينية خالص
شوشو من
بعيد : أحسن
مايسة : ما
في مسلسلات بتناقش حاجات دينية زي زهرة وأزاجها الخمسة في حسن يوسف والأزهر وافق
على المسلسل
إيمان :
الأزهر وافق على المهزلة دي؟
فتاة 3 :
احنا شفنا موضوع حلو قوي عن مسلسلات رمضان ياريت تلقوا نظرة عليه حايفيدكم قوي
فتاة 1
تمنحهم ورقة فيها مواقف تحتوي على ترحيب بشهر رمضان
وتنويه بعدد
المسلسلات الكثيرة المعروضة خلال الشهر الكريم وفي نهايتها : لو عايزين تعرفوا
أكتر زوروا الموضوع ده
بعد ما
البنات يمشوا شوشو يبعت لهم شلة تانية زي مايسة كده
مايسة تعرف
منهم اتنين تسلم عليهم ويتعرف الجميع ويبدأ حديث مايسة وشوشو المفضل للشهر الكريم
مايسة :
إيه رأيكم في حلقة امبارح بتاعت أزمة سكر؟
فتاة 1 :
مش أد كده
فتاة 2:
عجبتني أنا حلوة قوي أحمد عيد ده دمه خفيف قوي
مايسة :
أنا معجبتنيش الحلقة خالص زعلت قوي علشان ضيعت وقتي عليها كنت شفت حلقة مسلسل تاني
كاملة
إيمان :
بدل ما تقولي ضيعت وقتي عليها كنت قريت جزء ولا حاجة
فتاة 3 :إيه
رايك في أحسن مسلسل معروض ؟
إيمان :
مسلسل رمضان شهر عبادة
مايسة :
أنا شايفة زهرة حلو قوي
شوشو:شدي
ماجي للموضوع
فتكمل
مايسة : ولا انتي إيه رأيك يا ماجي؟
ماجي :
بصراحة .........
إيمان
تشدها من إيدها: بصراحة ده وقت أدان العصر ولازم نروح نصلي كلنا
تنصرف ماجي
مع إيمان وإيمان تقول لها : احنا قلنا مفيش مسلسلات ، حتضيع علينا الثواب
ماجي :
عندك حق بس مايسة على طول مستلماني كل شوية شوفي المسلسل ده
إيه رأيك
في المسلسل ده
عجبتك حلقة
المسلسل ده؟
إيمان :
طيب أنا حابعدك عنها والحقي ثواب من الشهر
بعد صلاة
العصر تحضر إيمان ومعها ماجي درس علم في مسجد الكلية
بعد الدرس
ماجي مبسوطة جداً من الدرس
ماجي:
إيمان عايزة أحضر دروس للأخت دي تاني
إيمان : إن
شاء الله بعد صلاة التراويح في درس حلو قوي
لأخت تانية
ماجي :
خلاص حاستنى معاكي بعد الصلاة
تشوفهم
مايسة وهم طالعين : يللا المحاضرة حتبدأ
إيمان :
اقعدي جنبي النهارده في المحاضرة
مايسة :
انتوا اتأخرتوا ليه كده؟
ماجي :
حضرنا درس روعة عن فضائل شهر رمضان
شوشو:
ليييييييييييييييييييييييه ابقي شوفي المسلسل بالليل
ماجي :
وحاحضر إن شاء الله درس تاني بعد التراويح
شوشو :
لااااااااااااااااا اعملي حاجة يا مايسة قولي حاجة
مايسة :
درس إيه عن شهر رمضان؟
شوشو : مش
كده يا بنتي هو ده موضوع؟
ماجي : بيتكلم
عن فضائل شهر رمضان وإنه الحسنات بتتضاعف في رمضان الحسنة بعشر أمثالها والعشر
حسنات بألف
وإن السنن
زي الفروض في الثواب والفروض كأنك صليتي سبعين فرض
شوشو : لا
ابعديها عن إيمان يامايسة
في
المحاضرة تجلس إيمان بين مايسة وماجي وطبعاً شوشو قاعد متغاظ كالعادة
بعد
المحاضرة البنات يتكلموا على موضوع المسلسلات اللي الشلة الأولى حكت عنه وتتفق
البنات على زيارة الموضوع ويتفقوا على المقابلة في صلاة التراويح وتأكد عليهم
إيمان وتخليهم يوعدوها بإنهم حاييجوا
الساعة 12
بالليل تتصل إيمان بماجي وتدعوها لصلاة التهجد فتلبس ماجي وتتصل بمايسة علشان تيجي
معاهم
مايسة :
آجي معاكم فين؟ أنا باتفرج على إعادة المسلسل اللي فاتني وقت صلاة التراويح
ماجي :
يامايسة حتاخدي ثواب وبعدين المسلسل حيتعاد تاني بعد رمضان
مايسة :
مينفعش أصلي داخلة في مسابقة على أفضل متفرجة على مسلسلات رمضان ومشتركة في
استفتاءات على أفضل مسلسل طول الشهر
ماجي: ربنا
يهديكي
وتنزل
لوحدها لصلاة التهجد مع إيمان
ومين اللي
اتنكس وخنس؟
شوشو طبعاً
******************
تم بحمد
الله المشهد التالت
ليست هناك تعليقات:
إرسال تعليق
♥ يسعدني معرفة رأيكم فيما كتبت :)